Сане АПЛга қайтиши мумкин!

"Манчестер Юнайтед" ҳужум чизиғини германиялик юлдуз ҳужумчи билан кучайтириши мумкин. Бу ҳақда инсайдер Экрем Конур ижтимоий тармоқларда хабар берди.

Манбага кўра, "қизил иблислар"нинг трансферлар рўйхатида "Бавария" ҳужумчиси Лерой Сане бор. 27 ёшли футболчининг Бундеслига чемпиони билан меҳнат шартномаси 2025 йилнинг ёзига қадар амал қилади.

Сане аввал ҳам АПЛда ўйнаган. 2016 йилдан 2020 йилгача у "Манчестер Сити" шарафини ҳимоя қилган.

Жорий мавсум Германия чемпионатида Сане 11 учрашувда 8 та гол урди ва 6 та голли узатмани амалга оширди. Унинг трансфер нархи 75 миллион евро.