Сенсация: Месси “Барса”га қайтади!
2023 йилнинг ёзидан бери MLS чемпионатида “Интер Майами” шарафини ҳимоя қилиб келаётган Лионель Месси фаолиятида кутилмаган бурилиш юз бериши мумкин.
DIRECTV Sports журналисти Алекс Кэндалнинг маълум қилишича, аргентиналик юлдузнинг қадрдон жамоаси “Барселона”га қайтиш имконияти ошиб бормоқда.
Мессининг майамиликлар билан шартномаси шу йилнинг 31 декабригача тузилган. Клуб ҳамкорликни узайтиришга интилмоқда.
Манбага кўра, Лионель Мессининг ўзи таъмирланаётган “Камп Ноу”да ўйнаш истагида.
Шунингдек, Месси 2026 йили бўладиган жаҳон чемпионатида қатнашишни режалаштирган. 37 ёшли футболчи мундиалга юқори спорт формасида етиб келиш учун ҳам Европа футболига қайтишни мўлжаллаётгани айтиляпти.
Месси фаолиятида “Барселона” алоҳида аҳамият касб этади. Саккиз карра “Олтин тўп” соҳиби каталонияликлар сафида 672 та гол, 303 та ассист қайд этган ва клуб тарихидаги энг зўр тўпурар ҳисобланади.
Фикрлар