Сэр Алекс Фергюсон мураббийликка қайтяпти

Жаҳон футболидаги энг зўр устозлардан сэр Алекс Фергюсон битта учрашув учун мураббийлик фаолиятини тиклайдиган бўлди.

TALKSPORT нашрининг маълум қилишича, Фергюсонни машғур ҳужумчи Жузеппе Россининг хайрлашув учрашувига таклиф этишган. Бу ўйин 22 март куни Флоренцияда бўлади.

Жузеппе Росси 2004-2006 йиллари шотландиялик мутахассис қўл остида тўп тепган. Италиялик ҳужумчи фаолиятини 2023 йили якунлади ва унинг охирги жамоаси СПАЛ бўлди.

Сэр Алекс Фергюсон “Манчестер Юнайед”ни 1986-2013 йиллар давомида бошқарган. Унинг бошқарувидаги жамоа 13 марта Англия чемпионлиги, беш бор мамлакат кубоги, икки маротаба УЕФА Чемпионлар лигаси ва қатор бошқа турнирлар ғолиблигига сазовор бўлган.