“Севилья” рахбарияти нима учун Серхио Рамосни жазолашни сўрамоқда? (видео)

Хабарингиз бор кеча Испания кубогининг 1/8 финал жавоб учрашувида “Севилья” ўз майдонида Мадриднинг “Реал” клубини қабул қилди. Дастлабки учрашув “қироллик клуби”нинг 3:0 ҳисобидаги ғалабаси билан якунланган эди. Иккинчи учрашувда эса жангавор дуранг қайд этилди – 3:3.

“Севилья” клуби рахбарияти ўйиндаги пенальтидан киритилган голдан сўнг мадридликлар сардори Серхио Рамоснинг мухлисларга нисбатан қилган хатти-ҳаракатларини ноўрин деб баҳоламоқда ва Испания футбол федерациясидан ҳимоячини жазолашни сўраган. Андалусияликларнинг айтишича Рамоснинг қилган имо-ишоралари стадионга йиғилган оламонни тажовуз ва зўравонлик қилиш, уларни гижгижлашга қаратилган эди. Бундан ташқари “Севилья” учрашув якунланганидан сўнг Рамосга нисбатан ҳуштакбозлик қилишгани учун ўз мухлисларини ҳам қоралаган.

 

Матнда хатолик топсангиз, ўша хатони белгилаб, бизга жўнатинг (Ctrl + Enter)