Shomurodov transferi bo‘yicha muhim yangilik!
"Salernitana" klubi yangi hujumchi bilan shartnoma imzolash ishlarini boshlab yubordi. Bu haqda "Calciomercato" nashri xabar berdi.
Italiya klubi "Chelsi" hujumchisi Mishi Batshuayini transferiga qiziqmoqda. O‘tgan mavsumni "Beshiktosh" jamoasi safida o‘tkazgan belgiyalik forvard 42 ta bellashuvda maydonga tushib, 14 ta gol urishga muvaffaq bo‘lgan.
Shuningdek, salernoliklar o‘zbekistonlik hujumchi Eldor Shomurodov bilan shartnoma imzolash haqida ham o‘ylamoqda. Katta ehtimol bilan shu ikki goledordan biri faoliyatini "Salernitana" safida davom ettiradi.
Ayni vaqtda hamyurtimiz "Trabzonspor" hamda "Bolonya" kabi klublar nishonida bo‘lib turibdi. Biroq unga da’vogarlik qilayotgan jamoalar "Roma" bilan Eldorning transfer summasini kelisha olmayapti.
Fikrlar