Шомуродовга ўрин йўқ!

Элдор Шомуродов кейинги пайтда “Рома” асосий таркибига кира олмаяпти. Ҳатто ўзи гол урган учрашувдан кейин ҳам Жозе Моуриньо уни ўйинга умуман туширмаган ёки бошланғич таркибга киритмаган беллашувлар бўлаётганини кўрдик.

Хусусан, легионеримиз А Сериянинг ўтган турида ўзининг собиқ жамоаси “Женоа” билан бўлган тўқнашувда ҳам майдонга туширилгани йўқ.

Италия футболини ёритишга ихтисослашган энг нуфузли спорт нашрлари Италия кубоги доирасида “Интер”га қарши бўладиган ўйин олдидан римликларнинг тахминий таркибини тузиб чиқди. Ҳайрон қоладиган жиҳати шундаки, еттита нашрдан бирортаси Элдор Шомуродовни таркибга киритгани йўқ.

Демак, нашрлар тахмин қилаётган тактик схема ва таркиблар билан танишамиз:

LEGGO (3-5-2): Руй Патрисио; Манчини, Смоллинг, Ибаньес; Карсдорп, Пеллегрини, Оливейра, Мхитарян, Винья; Дзаньоло, Абрахам.

GAZZETTA DELLO SPORT, IL TEMPO, CORRIERE DELLA SERA (3-4-1-2): Руй Патрисио; Манчини, Смоллинг, Ибаньес; Карсдорп, Верету, Оливейра, Винья; Мхитарян; Дзаньоло, Абрахам.

IL ROMANISTA, IL MESSAGGERO (3-5-2): Руй Патрисио; Манчини, Смоллинг, Ибаньес; Карсдорп, Оливейра, Верету, Винья, Мхитарян; Дзаньоло, Абрахам.

CORRIERE DELLO SPORT (3-4-2-1): Руй Патрисио; Манчини, Смоллинг, Ибаньес; Карсдорп, Оливейра, Верету, Винья; Мхитарян, Дзаньоло; Абрахам.

“Интер” майдонида бўладиган учрашув бугун ярим тунда Тошкент вақти билан 01:00 да бошланади.

Ўзбекистонлик футбол мухлислари эса, Элдор Шомуродовни майдонда кўришдан умидини узмайди ва ҳамюртимизга "Рома"даги фаолиятида омад тилайди!

Моуриньо “Интер”га сюрприз тайёрлаяпти

“Рома” бош мураббийи Жозе Моуриньо “Интер”га қарши бўладиган ўйинда ўзига хос ўзгариш қилмоқчи.

Италия матбуотининг ёзишича, португалиялик мутахассис жароҳатидан қутилган Лренцо Пеллегринидан асосий қурол сифатида фойдаланишни мақсад қилган. Журналистларнинг аниқлашича, 25 ёшли универсал ярим ҳимоячи майдонда Генрих Мхитарян ўрнини эгаллаши кутилмоқда.

Шунингдек, чап қанотда  бу гал Матиас Вина ўйнаса, таянч зонада Жордан Верету ва Сержиу Оливейра рақиб ҳужумларини қайтариб, ўзлари ҳужум бошлашга масъул бўлади.

Пеллегрини жорий мавсумда барча турнирларда 20 та учрашув ўтказиб, тўққизта гол урди ва бешта голли пас узатди.

Моуриньо “Рома”да ҳам муваффақият қозонади

“Интер”нинг собиқ бош мураббийи Массимо Моратти Corriere dello Sport нашрига берган интервьюсида “Рома”ни бошқараётган ҳамкасби Жозе Моуриньо ҳақида ҳам фикр билдирди.

- Моуриньо “Интер”дан кетиши керак бўлган пайтда кетган. Шундай бўлиб қолган. Жозе “Реал”га ўтишни истаган. Ўшанда у кўрсатилаётган натижадан қониққан ва янги чорловга тайёр эди, клуб унинг йўлини тўсишни истамади, бундан ажойиб якун бўлмасди.

Ҳозир Моуриньо “Рома”да Жамоа яхши томонган ўзгарди ва чемпионатнинг иккинчи ярмини янада муваффақиятли ўтказиши кутиляпти. Моуриньонинг аввалги фаолияти у “Рома”да ҳам бирор соврин ютишидан далолат бермоқда, - деди Массимо Моратти.

Биз масхарабоз эмасмиз!

“Рома”нинг ашаддий мухлисларидан бир гуруҳи ҳакамларнинг адолатсизлигинидан шикоят қилиб, Италия футбол федерация қароргоҳи олдида норозилик намойиши уюштирди.

Fooball Italia нашрининг хабар беришича, римлик фанатлар “Женоа”га қарши учрашувнинг охирги дақиқаларида Николо Дзаньоло томонидан киритилган гол бекор қилингани ва футболчининг ўзига норозилик билдиргани учун қизиқ карточка кўрсатгани сабабли жунбушга келган.

Мухлислар федерация қаршисида тўпланиб, норозиликлари акс этган баннер кўтарган. Унда “Қоидалар ҳаммага бир хил, лекин уларни қўллашда ҳамма ҳам тенг эмас. Биздан масхарабоз ясаманглар!”, деб хитоб қилинган.

Шомуродов эшитдингми, “Рома”га ҳакам ёрдам бераркан!