Шомуродовнинг дубли, пенальти ва голлар шоуси бўлган ўйинда "Аталанта" "Женоа"ни мағлуб этди

Италия А Серияси 37-туридан ўрин олган "Женоа" - "Аталанта" учрашуви ўз ниҳоясига етди. Голларга бой ўтган ушбу баҳс бергамоликларнинг 3:4 ҳисобидаги ғалабаси билан якунланди.

"Аталанта" биринчи таймни Сапата, Малиновски ҳамда Госенснинг голлари эвазига 0:3 ҳисобида ўз фойдасига ҳал қилган бўлса, "Женоа" 2-бўлим бошида бирваракайига 3 ўзгаришни амалга ошириб, ўйинда бурилиш ясай олди. 49-дақиқада захирадан майдонга тушган Элдор Шомуродов ажойиб тарзда дарвозани ишғол қилди ва ҳисобни қисқартирди, 51-дақиқада эса "Аталанта" Элдорнинг голига тезкор тарзда жавоб қайтариб ҳисобни 1:4 кўринишига келтирди. 67-дақиқада Горан Пандев пенальтидан унумли фойдаланиб, ҳисобни қисқартирди. Ўйин якунига 5 дақиқа қолганда Элдор Шомуродов дублни расмийлаштириб, сўнгги дақиқаларнинг янада шиддат олишини таъминлади, бироқ шу ҳисоб ўйин якунига қадар ўзгармади. "Аталанта" ғалабани қўлга киритди.

Шу тариқа, 3 очкони қўлга киритган Гасперини жамоаси очколари сонини 78 тага етказиб олган ҳолда 2-ўринга мустаҳкам жойлашиб олди. "Женоа" эса 39 очко билан 14-ўринни эгаллаб турибди.

• 90+5'
  

  Учрашув якунланди! "Аталанта" қийин ўтган баҳсда ғалабани қўлга киритди. Эътиборингиз учун раҳмат!

• 90+3'

  Сўнгги дақиқалар ёнмоқда!

• 90+2'

  Ровеллага нисбатан фол ишлатилди.

• 90+'
  

  Ўйинга 4 дақиқа вақт қўшиб берилди.

• 89'
  

  "Аталанта"да ўзгариш: Миранчук ўрнига Луис Муриэль ўйинга қўшилди.

• 88'
  

  Подкат ўта қўпол бўлгани боис Маринелли сариқ карточка билан огоҳлантирилди.

• 85'
  

  ГОООООООООООООООООООООООООООЛЛЛЛ!!! Шомуродовдан дубль! Жарима майдони ичида очиқ қолдирилган Элдор дарвозани осонгина ишғол қилди ва ҳисобни қисқартирди! 3:4!

• 83'

  Сўнгги дақиқалар тобора шиддат олмоқда.

• 79'
  

  Мелегони ўрнига Эбонг ўйинга қўшилди.

• 76'
  

  Госенс ўрнига Паломино ўйинга қўшилади.

• 73'

  Ровелланинг зарбасидан сўнг тўп жонли деворга тегиб майдонни тарк этди.

• 72'

  Николо Ровелла жарима тўпини ижро этади.

• 71'
  

  Рафаэль Толои қўпол подкати учун сариқ карточка олди.

• 69'

  "Женоа"да ҳамма ҳужумчига айланди. Иккинчи таймда улар мутлақ устун.

• 67'
  

  ГОООООООООООООООООЛЛЛ!!! Пандев дарвозабонга имконият қолдирмади! 2-4!

• 66'
  

  Пенальти! Пандев уни ижро этади!

• 65'
  

  Тўп қўлга текканлигига ишора қилишмоқда. Бош ҳакам ВАРга мурожаат қилади.

• 65'

  Ўнг қанотдан "Женоа"нинг уюштирган ҳужуми ҳимоячи томонидан ташқарига чиқариб юборилди.

• 64'

  "Женоа"нинг ҳужумларига маъно қўшилди.

• 63'

  Пандевнинг зарбаси жонли деворга тегиб йўналишини ўзгартирди.

• 62'

  Горан Пандев жарима зарбасини ижро этади.

• 61'
  

  Ўта тезкорлик билан уюштирилган Казонинг рейдини Жимсити қўполлик билан тўхтатию қолди. Сариқ карточка.

• 59'

  Миранчукнинг айланма зарбаси тўппа-тўғри дарвозабоннинг қўлига бориб тушди.

• 58'

  Радованович қўпол ўйнади. Бош ҳакам жарима зарбаси белгилади. Миранчук уни ижро этади.

• 58'
  

  "Аталанта"да ҳам ўзгариш: Гасперини Малиновскининг ўрнига Сем Ламмерсни ўйинга қўшди.

• 57'
  

  Ўзгариш: Гильоне ўрнига Маноло Портанова "Женоа"нинг ўйинини кучайтиришга ҳаракат қилади.

• 55'

  Элдор Шомуродовга нисбатан ўйин қоидаси бузилди.

• 55'
  

  "Аталанта" аъзоси офсайд ҳолатида қолиб кетди.

• 54'
  

  Бурчакдан тўпни "Женоа" ўйинга киритиб беради.

• 52'
  

  ГОООООООЛЛЛ!!! "Аталанта" Элдорнинг голига тезкор жавоб қайтарди, бу тарафда ҳам майдонга эндигина тушган Пашалич дарвозани ишғол қилди.

• 51'

  Ўйин темпи янада кўтарилди.

• 49'
  

  ГООООООООООООООООООООООЛЛЛ!!! Элдор Шомуродов майдонга тушиши биланоқ дарвозани ишғол қилди! Қандай чиройли гол! Ҳисоб қисқарди: 1-3.

• 47'
  

  "Аталанта" ҳам 2 ўзгаришни амалга оширди: Сапата ва Фройлер ўрнига Пашалич ва Пессина ўйинга қўшилди.

• 47'
  

  Кассата ўрнига Шомуродов майдонга тушди!

• 47'
  

  Маттиа Дестро ўрнига эса Горан Пандев ўйинни давом эттирадиган бўлди.

• 46'
  

  "Женоа" таймни ўзгаришлар билан бошлади: Миха Зайц ўрнига Жузеппе Казо ўйинга қўшилди.

• 46'
  

  Иккинчи бўлим бошланди!

• 45'

  Футболчилар майдонга қайтишмоқда. Биз ҳам қайтамиз.

• 45'
  

  Ҳакам бўлимга вақт қўшиб бермади, танаффус.

• 44'
  

  ГООООООООООООООООЛЛЛ!!! Госенс бу сафар дарвозани ишғол қилди... "Аталанта" бир таймнинг ўзида Баллардини жамоасини парчалаб ташлади: 0-3!

• 42'
  

  Бу сафарги бурчак тўпидан сўнг Жимсити боши билан зарба йўллади, бироқ ноаниқ.

• 41'
  

  Бурчак тўпидан сўнг хавфли вазият юзага келди, бироқ ҳимоячи Кассата тўпни яна бир бор бурчакка чиқариб юборди.

• 40'

  Малиновскининг зарбасига ҳимоячи блок қўйди. Бурчак тўпи.

• 39'

  "Аталанта" у қанотдан бу қанотга тўпни ошириб, позицион ҳужум уюштирмоқда.

• 37'

  Жаримадан берилган зарбани ҳимоячи боши билан узоқлаштирди.

• 36'

  Пяьцага нисбатан фол ишлатилди. Жарима зарбаси.

• 35'

  Сапата жарима майдончасининг ичида тўпни шеригига аниқ тарзда етказиб бера олмади, тўп генуяликларда.

• 34'

  "Женоа" ҳимоячилари ўз жарима майдонлари атрофида тўпни бир-бирига оширишяпти, олдинга ўтишнинг иложи йўқ.

• 33'

  Гасперини шогирдлари ўйинни бир темпда давом эттирмоқда, улар ҳужумлар уюштиришда давом этмоқда.

• 31'

  Тўп марказда бўлиб қолмоқда. "Аталанта" прессингда рақиб хатосини пойламоқда.

• 30'

  Ўйин ҳамон ўша темпда.

• 29'

  Сапата йиқилиб тушди, аммо ҳакам ўйинни давом эттиришни сўради.

• 28'

  Бергамо клуби ҳар бир позицияда ажойиб ўйин кўрсатмоқда.

• 27'
  

  Ҳакам ВАРга мурожаат қилди, бироқ гол бекор қилинмади.

• 26'
  

  ГООООООООООООЛЛЛ!!! Вазиятнинг охиригача курашган Сапата тўпни бир амаллаб майдонда сақлаб қолди ва уни жарима майдони марказидаги Малиновскига етказиб берди, Руслан эса бўш қолган дарвозани осонгина ишғол қилди! 0-2!

• 25'

  "Аталанта" ҳар жабҳада устун тўп: назорати, ҳужумлар сони ва аниқлиги ҳам улар тарафда.

• 23'

  "Женоа" ҳимоячиси битта калит пас билан Дестрони олдинга ташламоқчи эди, бироқ тўпни ҳимоячилар қайтарди.

• 22'

  Дестронинг зарбаси "Аталанта" дарвозабонига қийинчилик туғдирмади.

• 21'

  Малиновски чап қанотдан ажойиб узатмани амалга оширди, зарба эса ҳимоячилар томонидан қайтарилди, қайтган тўпга ҳам зарба берилди... бироқ ноаниқ.

• 20'

  Ўйин бир хил темпда кечмоқда. Ҳамюртимизнинг клуби қарши ҳужумда ўйнашга мажбур.

• 19'

  "Женоа" майдон марказидан ҳужум уюштиришга ҳаракат қилмоқда.

• 18'

  Сон жиҳатдан камроқ бўлган мезбонлар ҳужумга ўтишди, бироқ сўнгги сонияда Зайц хатога йўл қўйди ва тўпни йўқотди.

• 17'

  Бу "Аталанта" қўймайди шекилли...

• 16'

  Жарима майдони чизиғи устида генуяликлар ҳимоячиси тўпни олиб қўйди ва жамоасини олдинга олиб кетди.

• 15'

  Ўйин темпи юқори, бироқ устунлик яққол "Аталанта"да.

• 13'

  "Женоа" ўз жарима майдонига қамалиб қолди. Рақиб майдонига атиги бир маротаба ўтишган.

• 12'

  Малиновски бугун Гасперинининг яришин қуроли шекилли. У эркин тарзда кўп позицияларда тўп сурмоқда. Ассист ҳам унга тегишли.

• 10'

  Меҳмонлар голдан сўнг ҳам тинмаяпти. Паслар сони кўп ва ҳужумлар анча кескин.

• 9'
  

  ГООООООООООЛЛЛ!!! Узоқ вақт уюштирилган ҳужумдан сўнг бергамоликлар барибир ўз мақсадига етишди... 0:1! Сапата гол муаллифи!

• 8'

  Прессинг ўта юқори. Голнинг ҳиди келмоқда.

• 7'

  Чап қанотдан уюштирилган ҳужум Сапатанинг вазиятни тушунмай қолгани учун якунланди.

• 6'

  Миранчук тўпни осон йўқотди, ҳужум якунланди.

• 5'

  Меҳмонлар турли қанотлардан ёриб киришга ҳаракат қилмоқда, марказдан киришнинг эса уддасидан чиқишмади.

• 4'

  "Женоа" жарима майдончаси атрофида прессингли позицион ҳужумлар уюштирилмоқда.

• 3'
  

  Бурчак тўпидан сўнг хавфли вазият юзага келди, кетма-кет зарбаларни ҳимоячилар қайтарди, якунда эса тўп ноаниқ зарбадан сўнг майдонни тарк этди.

• 3'
  

  Мелегонининг супер зарбасидан сўнг бергамоликлар дарвозаси қийинчилик билан тўпни қайтарди!

• 2'

  "Аталанта" майдон марказидан туриб позицион ҳужум уюштиришга ҳаракат қилмоқда.

• 1'
  

  Учрашув бошланди!