"Шўртан" Тожикистон клубини енгди

Бугун "Шўртан" Тошкентдаги ўқув-машғулот йиғини доирасида иккинчи назорат учрашувида майдонга тушди.

Ғузорликлар ўшни Тожикистоннинг "Регар ТадАЗ" жамоаси билан куч синашди. Учрашувнинг 34-дақиқасида рақиблар ўз жарима майдончалари ичида "Шўртан" футболчисига нисбатан қўполлик ишлатди. Сирожиддин Қўзиев 11 метрлик жарима зарбасини голга айлантирди - 1:0. 

Иккинчи бўлимда ҳам ғузорликлар рақибга нисбатан устунроқ ҳаракат қилишди ва якуний ҳисобга ҳам таъсирини кўрсатди. 78-дақиқада Муродхўжа Жабборов рақиб жарима майдончасига ёриб кирди ва ҳисобни ўзгартирди - 2:0.

"Оқ бўрилар" пойтахдаги йиғин доирасида иккинчи назорат учрашувида ғалаба қозонишди. Тошкентдаги йиғини эса давом этади.

"Шўртан": Шоҳруҳ Эшбўтаев, Азизбек Пирмуҳаммедов, Улуғбек Худойбердиев, Шоҳжаҳон Султонмуродов, Сирожиддин Қўзиев, Дониёр Нарзуллаев, Жўрабек Маннонов, Далер Шарипов, Шаҳзод Неъматжонов, Камрон Саидазимов, Жавоҳир Ҳасанов.

Захирадан майдонга тушганлар: Миркомил Абдураззоқов, Бекзод Сувонов, Асадбек Саидхонов, Сардор Саъдуллаев, Аброр Тошқўзиев, Шаҳбоз Нуриддинов, Миржалол Жумаев, Сарвар Мирзаев, Муродхўжа Жабборов, Аббос Эргашбоев, Нуриддин Ҳасанов.