Силва аламли мағлубиятдан сўнг нималар деди?

"Манчестер Сити" ярим ҳимоячиси Бернарду Силва Клублар ўртасидаги Жаҳон чемпионати 1/8 финалида "Ал-Ҳилол"дан 3:4 ҳисобидаги мағлубиятдан сўнг ўз фикрлари билан ўртоқлашди. Англияликлар асосий вақтда 3:3 ўйнаб, қўшимча дақиқаларда мағлуб бўлди.

"Бизда тўпни йўқотган пайтларда етарлича концентрация ва ташкилотчилик етишмади. Учта гол урдик, лекин беш-олтита урса бўларди.

Қачонки рақибга тезкор контратакалар ўтказишга имкон берсак, бундай муаммолар юзага келади. Бу ўйин айнан шунинг ёрқин намунаси бўлди.

Жуда хафамиз, чунки бизнинг мақсадларимиз катта эди — чорак финалга чиқишни, кўпроқ нарсага эришишни хоҳлагандик. Лекин футбол шунақа. Рақиб ҳам яхши ўйнади.

Биз айрим вазиятларни назорат қилишимиз керак эди, лекин буни уддалай олмадик.

Барибир рақибни табриклайман — улар яхши жамоа экан, бизга кўп муаммо туғдиришди ва ғалабага ҳақли бўлишди" — дея таъриф бериб ўтди португалиялик футболчи.