Симеоне "Атлетико" афсонасининг рекордини такрорлади
У бу натижага эришиш учун нисбатан камроқ ўйин сарфлади.
Хабарингиз бор, “Атлетико” Ла Лиганинг 25-турида сафарда “Вильярреал” устидан (2:0) ҳисобида ғалаба қозонди.
Эътиборлиси, бу Диего Симеоне учун “матрасчилар” бош мураббийи сифатидаги 308-ғалаба бўлди. Аргентиналик мутахассис шу тариқа “Атлетико” бош мураббийи сифатида энг кўп ғалаба қозонган Луис Арагонеснинг рекордини такрорлади.
Айтиш керакки, Симеоне ушбу натижани қайд этиши учун 512 та ўйин керак бўлди. Арагонес эса бунга 612 та ўйин сарфлаган.
“Атлетико” 25 турдан сўнг Ла Лига мусобақа жадвалида пешқадамлик қилмоқда.
Матнда хатолик топсангиз, ўша хатони белгилаб, бизга жўнатинг (Ctrl + Enter)
Фикрлар