“Сити” “Реал”га Холанднинг нархини айтди

Англия Премьер-лигасида юқори ўринлар учун курашаётган “Манчестер Сити”нинг сўнгги йиллардаги энг зўр тўпурари Эрлинг Холанд анчадан бери Мадриднинг “Реал” клуби нишонида турибди.

“Қироллик клуби” Флорентино Перес жамоада юз бераётган ўзгаришлар фонида норвегиялик ҳужумчини келаси ёзда Мадридга олиб келишни мақсад қилган ва бу трансфер учун имконият қидиряпти.

Fichajes нашрининг хабар беришича, Англия гранди скандинавиялик марказий ҳужумчини “Реал”га сотишга тайёр ва бунинг учун мадридликлардан камида 200 миллион евро бадал пули талаб қилади.

Бу ҳолат “Реал”нинг трансфер сиёсатига таъсир ўтказиши мумкин. Мутахассисларнинг таъкидлашича, мадридликлар Холандни олиш учун ўта катта маош талаб қилиш орқали янги шартнома имзолашни чўзиб келаётган Винисиус Жуниор билан хайрлашиши эҳтимоли ошиб бормоқда.

25 ёшли Эрлинг Холанд 2022 йил ёзидан бери “Манчестер Сити” сафида ўйнаб келмоқда. Унинг клуб билан тузилган амалдаги меҳнат шартномаси 2034 йилнинг июнь ойи охиригача амал қилади.