“Сити”да Холанддан зўр футболчи бор!

“Манчестер Сити” тарихида энг кўп гол урган аргентиналик ҳужумчи Серхио Агуэро  ҳозирги пайтда Хосеп Гвардиола қўл остида ўйнаётган энг зўр футболчи ким эканини айтди.

- Мен Фил Фоденга у эндигина асосий таркиб билан шуғуллана бошлаганида, яъни 16 яшарлигида эътибор қаратганман.  Ўшандаёқ бу ёш бола Англия Премьер-лигасида порлаши мумкинлиги маълум эди.

Филнинг келажаги янада порлоқ бўлишига аминман. Мен уни айни пайтда жамоадаги энг мукаммал ўйинчи, деб биламан, - деди Серхио Агуэро.

Фил Фоден якунланган мавсумда барча мусобақаларда 53 маротаба майдонга тушиб, 27 та гол ва 12 та ассист муаллифи бўлди.