“Сити”дан дарвозабон олмасак бўлмайди!

“Астон Вилла” клуби янги мавсум олдидан дарвозабон позициясини кучайтириш учун Жеймс Траффордни асосий нишон сифатида кўриб чиқмоқда.

Бу қизиқиш Эмилиано Мартинеснинг “Вилла Парк”даги келажаги борасидаги ортиб бораётган мавҳумлик билан боғлиқ.

Хабарларга кўра, “Манчестер Сити” Англия терма жамоасидадебют қилган 23 ёшли голкиперни 35–40 миллион фунт стерлингга баҳолаган, бу эса паст нархли таклифларни рад этиш учун қилинган.

“Манчестер Сити” аслида Жеймс Траффордни таркибда сақлаб қолмоқчи. Лекин Англия терма жамоаси дарвозабони даражасидаги голкипер захирада ўтиришга кўнмаяпти.

Жорий мавсумда Премьер-лига ва УЕФА Чемпионлар лигасида ўйин вақти чекланганига қарамай, Траффорд кубок мусобақаларида муҳим ўйинчи бўлиб қолди ва Лига кубогидаги муваффақиятли юриш ҳамда Англия кубоги чорак финалида “Ливерпуль” устидан йирик ғалабада ўз қийматини исботлади.

Бироқ Доннарумманинг дарвоза позициясидаги мутлақ устунлиги Траффордни узоқ муддатли режаларини қайта кўриб чиқишга мажбур қилмоқда.