Sneyder: "Saloh – o‘z davrining eng yaxshilaridan biri"

Niderlandlar terma jamoasi va "Inter"ning sobiq yarim himoyachisi Uesli Sneyder "Liverpul" hujumchisi Muhammad Salohning faoliyatiga yuqori baho berdi.

"Saloh ko‘p yillardan buyon yuqori darajada o‘ynab kelmoqda. Uning tezligi, texnikasi va statistikasi bunga yaqqol dalil. U zamonamizning eng yaxshi futbolchilaridan biri, hatto tarixdagi eng buyuuklardan deb aytish mumkin" — dedi Sneyder "winwin" nashriga bergan intervyusida.

Muhammad Saloh 2017 yildan buyon mersesaydliklar sharafini himoya qilmoqda. Shu vaqt mobaynida u jamoa safida 401 ta o‘yinda maydonga tushib, 245 ta gol va 113 ta assist qayd etgan. 

33 yoshli hujumchining klub bilan amaldagi shartnomasi esa 2027 yil yozigacha mo‘ljallangan.