SPORTS.uz талқини бўйича Европа топ-5 чемпионатлари ҳафта рамзий терма жамоаси

Бош мураббий: Альваро Сервера (“Кадис”)

Сенсация ўз йўлига, агар бир кучсизроқ ҳисобланган жамоа кетма-кет тарзда грандларни таслим этиб келаётган бўлса, демак, улар росмана кучли ўйин намойиш этяпти. Сервера жамоасида “Барселона”га қарши ўйинда яққол ажралиб турган футболчилар кўринмади. Жамоа биргаликда "бир мушт" бўлиб, кучли рақибдан 3 очко тортиб олди. Хулоса қилиш мумкинки, бунда мураббий бош фигура!

Альваро каталонияликларга қарши учрашувга жамоасини 4-5-1 (4-1-4-1) схемасида майдонга олиб тушди. Анъанамизга содиқ қолган ҳолда, тур мураббийи танлаган тактикани рамзий жамоамизга асос қилиб оламиз. 

Кадис

Дарвозабон: Куивин Келлехер (“Ливерпуль”)

Бу каби йирик ҳисобда ғалаба қозонган жамоалардан, асосан, ҳужум вакилларини рамзий жамоага киритардик. Аммо “Вулверхэмптон”га қарши беллашувда мерсисайдликларнинг учинчи посбони ҳақиқий қаҳрамонликлар эвазигагина дарвозасини даҳлсиз сақлаб, мана шундай йирик ҳисобни таъминлаб берди. Шу куни 22 ёшли дарвозабон нақд 3 та голли зарбани олиб чиқишга муваффақ бўлди. 

келлехер

Чап қанот ҳимоячиси: Анхелиньо (“Лейпциг”)

“Бавария” билан тенгма-тенг ўйин кўрсатиб бергани учун тур мураббийи ўрнига Юлиан Нагельсманни олиш вариантимиз ҳам бор эди. Унинг учун ҳам Анхелиньони рамзий вакил сифатида жамоамизга киритдик. 3 та гол ўтказиб юборган жамоа ҳимоячиси турнинг энг яхшилари қаторида эътироф этиляптими, демак у бунга ҳақли, ишонаверинг. Иккинчи тайм бошида Форсбергга берган голли узатмаси ўйин тақдирига таъсир этди ва жамоасига руҳий устунлик берди. 

photo_2020-12-11_16-36-53

Марказий ҳимоячи: Курт Зума (“Челси”)

“Аристократлар”нинг марказий ҳимоясидаги энг кўп танқидларга лойиқ кўриладиган футболчи ҳисобланган Курт Зума энди ўша позицияда анча яхши савиядаги ўйин намойиш этиб, Лэмпард ишончини қозонди. Мудофаа марказидаги метин ўйинларидан ташқари, стандартлар пайтида рақиб дарвозасига жиддий хавф сола билиши ҳам унинг қийматини ошириб юборади. 

зума

Марказий ҳимоячи: Леонардо Бонуччи (“Ювентус”) 

“Турин дербиси”да “Ювентус” сал бўлмаса очко йўқотиб, “Милан”ни яна ҳам олдинроққа қўйиб юборар эди. Улар ҳар бир учрашувда қийинчилик билан ғалаба қозонмоқда. Мухлисларнинг сабрини синаш, балки, Пирлога ёқар! Тобора якунланиб бораётган Буффон-Кьеллини эрасидан сўнг, жамоанинг энг “қария” етакчиси айнан Бонуччи бўлиб қолиши кутилмоқда. 

бонуччи

Ўнг қанот ҳимоячиси: Ашраф Ҳакими (“Интер”)

Марокашлик футболчида гол сезиш ва уни яратиш қобилияти жуда яхши шаклланган. Унинг ҳимоядаги камчиликлари Конте ишончига тўлиқ кириб олишига йўл бермаяпти. Итальян мураббийни бу қониқтирмаслиги табиий ҳолат. Умид қилишга мажбур этадигани Ашраф ҳали ёш. У тажрибали мураббий қўл остида ўзининг ҳимоячилик қобилиятларини яхши шакллантира олади. 

ҳакими

Таянч ярим ҳимоячиси: Сергей Милинкович-Савич (“Лацио”)

Римликлар ўйини бу мавсум аввалгиси каби эмас. Балки, Апеннин яриморолида уларни яхши ўрганиб олишгандир. Симеоне жамоасини сезиларли номлар билан тўлдириб олганича йўқ. Жамоада руҳий ҳолатнинг қониқарли даражада эмаслигини кетма-кет ўйинларда йиғиб олинаётган карточкалар ҳам кўрсатиб турибди. 

Милинкович-Савич “Специя”га қарши беллашувда жамоасига ғалаба келтирган гол ва пасни ижро этди.

савич

Чап қанот вингери: Уилфрид Заа (“Кристал Пэлас”)

Унинг типидаги футболчилар гранд жамоаларда ўйнаб кета олмайди. Очиғи, Заани қайсидир катта клубнинг кичкина бир вакили сифатида тасаввур қилиш қийин. “Кристал Пэлас”да унга қиролдек қарашади ва у ўзини ҳақиқий юлдуз, деб билади. Мана, жароҳатидан тикланиб қайтган биринчи ўйинида кўрсатган натижаси ҳам бунга исбот: дубль!

заа

Ўнг қанот вингери: Хуан Куадрадо (“Ювентус”)

Колумбиялик вингерни Пирло қанот ҳимоячиси сифатида ишлатмоқда. Биз унинг сўнгги турдаги ўйинини эътирофсиз қолдирмаслик мақсадида ўзи учун севимли позицияга қайтариб бўлса-да, рамзий жамоага киритдик. 

“Турин дербиси”да унинг 2 та ассисти тарози палласини “Ювентус” томонга оғдирди. 

куадрадо

Ҳужумкор ярим ҳимоячи: Сон Хён Мин (“Тоттенхэм”) 

Кореялик футболчи ушбу мавсумни супер тарзда бошлади. Қитъадошимиз ҳозирда дунёнинг энг кучли чемпионатида тўпурарлар пойгасида қатнашмоқда. “Шимолий Лондон дербиси”даги бутун сценарийни унинг қайтариб бўлмас зарбаси ўзгартириб юборди. Тенг курашлар остида кечаётган баҳсда бундай аламли гол ўтказиб юбориш ҳар қандай жамоани руҳий тушкунликка тушириб юборади…

сон

Ҳужумкор ярим ҳимоячи: Кевин Де Брюйне (“Манчестер Сити”)

Гвардиола жамоаси мана энди ўзига ўхшаб бормоқда. Кетма-кет 5 та учрашувда рақиблар “шаҳарликлар” дарвозасига йўл топа олмаяпти. Уларнинг тўрттасида “Ман Сити” ғалаба қозонган. Шундай бўлса ҳам, битта кам ўйин ўтказган манчестерликлар турнир жадвалининг 7-поғонасида бормоқда. 

Де Брюйне “Фулхэм”га қарши беллашувдаги голи ва ассисти туфайли рамзий жамоамиздан ўрин олди. Аслида, у яхши ўйинлар сериясини кўрсатаётган “Сити”дан бир вакил, холос. 

де брюйне

Марказий ҳужумчи: Харри Кейн

Руҳан синган “Арсенал”га танаффусгача яна бир гол уриб олиш ўйинни янада осонлаштириши табиий эди. Бу ишни тайм сўнгида, рақиб яна ҳам бўшашган бир пайтда бажариб олингани ажойиб иш бўлди. 

Жорий мавсум фантастик кўрсаткичлар қайд этаётган инглиз ҳужумчисидан бошқа футболчини рамзий жамоамизнинг марказий ҳужумида кўра олмадик. 

кейн

Top5 (1)

Абдулвосид Валихонов тайёрлади

Матнда хатолик топсангиз, ўша хатони белгилаб, бизга жўнатинг (Ctrl + Enter)

Минбар

Барча блоглар