Сречко Катанец бошчилигидаги Ўзбекистон МТЖ мураббийлар штабида маҳаллий мутахассис ҳам бўладими?

Хабарингиз бор, айни кунларда Ўзбекистон миллий терма жамоасига бош мураббий бўлиши кутилаётган Сречко Катанец юртимизда бўлиб турибди. Словениялик мутахассис мамлакатимизда футболга яратилган шароитларни кўздан кечирмоқда ва шунингдек, ўйинларга тушиб, футболчиларни кузатяпти.

Тез орада томонлар катта эҳтимол билан шартнома имзолайди. Ҳозирги кунда ЎФА ва Катанец оғзаки келишувга эга. Хорижлик мураббий ёрдамчилари билан юртимизга ташриф буюрган. Энди эса кўпчиликда унинг штабидан маҳаллий мутахассис ҳам ўрин оладими? деган савол пайдо бўлиши табиий.

SPORTS.uz сайтига маълум бўлишича, Катанец бошчилигидаги Ўзбекистон миллий терма жамоаси мураббийлар штабига маҳаллий мутахассис ҳам киритилади. У Равшан Ҳайдаров бўлиши кутилмоқда. Ҳайдаров Ўзбекистон U-22 терма жамоаси бош мураббийи саналади.

Аввалроқ бу ўринга Тимур Кападзенинг номзоди ҳам илгари сурилганди. Чунки Сречко Катанец Ўзбекистон кубоги доирасидаги "Пахтакор" - "Турон" учрашувини "Олимпик" жамоаси бош мураббийи Тимур Кападзе билан бирга томоша қилди. Улар юртимиз футболи, ўзбекистонлик футболчиларнинг потенциали хусусида суҳбатлашган ва келажакда ўзаро ҳамкорликда фаолият олиб боришга келишиб олганди.

ЎФА эътибор қаратиши керак бўлган муҳим жиҳат ва бу борада Хайрулла Ҳамидов ва Алишер Никимбаевнинг қарашлари