Суарес: Фақат Play Stationда Мессидек ўйнаш мумкин
Ads

“Барселона” клуби форварди Луис Суарес кеча бўлиб ўтган “Эспаньол”га қарши (4:1) учрашувдан сўнг жамоадоши Лионель Месси ҳақида яна бир бор ўз фикрларини билдириб ўтди.

“Биз бугун жуда ҳам қийин учрашув ўтказдик. Бироқ, яхши ҳимояланган жамоа дарвозаси олдида кўплаб ҳавфли вазиятларни ярата олдик.

Леонинг ҳаракатларига эса ақлбовар қилмайди. Фақат Play Stationда Мессидек ўйнаш мумкин”, - дейди Суарес Marca нашрига берган интервьюсида.

Эслатиб ўтамиз, Месси 2-бўлим ўрталарида икки бор рақиблар қуршовидан ажойиб тарзда чиқиб кетиб жамоаси учун иккита голли узатмани амалга оширган ва учрашув якунида ўзи ҳам рақиб дарвозасини ишғол этган эди.