Супер боксчи ва ММА жангчиси ўзаро жанг қилиши мумкин

Оғир вазн тоифасида собиқ жаҳон чемпиони Деонтей Уайлдер ва UFC собиқ чемпиони Фрэнсис Нганну бу йил бокс ва аралаш яккакурашларни бирлаштирган қоидалар бўйича жанг ўтказиши мумкин. Бу ҳақда PFL президенти Донн Дэвис хабар қилди.

"Менимча, Уайлдер ва Нганну тўқнашуви барчани қизиқтиради, бироқ бундай жангнинг форматини жамоатчиликка тушунтириш керак ва у тўлиқ спорт турига айланади" – деди Девис.

Эслатиб ўтамиз, Фрэнсис охирги жангида Ренан Феррейрани 1-раунддаёқ нокаут қилган,  Уайлдер эса 5-раундда техник нокаут эвазига Чжан Чжилейдан мағлубиятга учраганди.