"Сити" тарбиялаган футболчини сотиб юборишди
Омадини бошқа жойдан излайди
«Саутгемптон» таркибида ҳаракат қилаётган марказий ҳимоячи Тэйлор Харвуд-Беллис «Астон Вилла» жамоасига ўтади. Бу ҳақда футбол бўйича инсайдер Флориан Плеттенберг ижтимоий тармоқларда хабар берди.
Маълумотларга кўра, клублар трансфер шартларини муҳокама қилиб бўлган ва тўлиқ келишувга эришган. Битим қиймати бонуслар билан бирга 35 миллион евро атрофида бўлади.
Харвуд-Беллис «Астон Вилла» билан узоқ муддатли шартнома имзолаши кутилмоқда. Яқин кунларда футболчи тиббий кўрикдан ўтади.
Тэйлор Харвуд-Беллис «Манчестер Сити» академиясининг тарбияланувчиси ҳисобланади.
Ўтган мавсумда ҳимоячи жами 48 ўйинда майдонга тушиб, 7 та гол урди ва 3 та голли пас муаллифига айланди.
Изоҳлар (0)