Тэмми Абрахамнинг дўсти “Челси”га ўтади

Англиялик собиқ футболчи Энтони Котти “Вест Хэм” юлдузи Деклан Райс жамоасини тарк этадиган бўлса, “Челси”га бориб қўйшилишини таъкидлади. У бу фикрини Райснинг “аристократлар” сафида дўстлари кўплиги билан изоҳлади.

- Агар Деклан кетадиган бўлса, “Челси”га боради. Сабаби болалигида “Челси”да юрган. Деклан ҳозир Италияда ўйнаётган Тэмми Абрахам ва “Челси”даги Каллум Хадсон-Одои ҳамда Рис Жеймс билан бирга катта бўлган. Деклан ҳамон улар билан дўст. Уни “Вест хэм”да қолишини истаймиз.  “Челси”га ўтса, мухлислар уни тўғри тушунади, - деди Энтони Котти.

Деклан Райс Англия футболининг энг истеъдодли вакилларидан ҳисобланади. Унга гранд клублар оғиз солмоқда. “Вест Хэм” бу ўйинчини 100 миллион фунтга баҳолаётгани трансферга тўсқинлик қилмоқда.

Футболчининг ўзи ҳам совринли ўринлар учун даъвогар клубларга ўтиш истагини билдирган.

Фикрлар

Фикр қолдириш учун авторизациядан ўтинг!