Теннис. Нигина Абдураимова Қозоғистондаги турнир чорак финалига чиқди

Теннис бўйича аёллар терма жамоамиз етакчиси Нигина Абдураимова Қозоғистон кортлари мезбонлик қилаётган "ITF Kazakhstan 05A" турнирининг яккалик баҳсларини муваффақиятли бошлади.

Вакиламиз илк босқичда россиялик Анастасия Золотаревадан 1:6, 6:2, 7:5 ҳисобида устун келди. 1/8 финалда эса, мезбонлар шарафини ҳимоя қилган Жибек Куламбаевани 6:4, 3:6, 6:2 ҳисоби билан енгди.

Энди Абдураимова чорак финалда яна бир рус спортчиси Татьяна Баркова билан куч синашади. Баҳс эртага бўлиб ўтиши режалаштирилган.