Тер Штеген "Атлетико"га қарши ўйинда "Барса"га ёрдам бера оладими?

"Барселона" асосий дарвозабони Марк-Андре тер Штеген жароҳат олиб, сафдан чиққанидан хабарингиз бор. Унинг қачон таркибга қайтиши "Барса" мухлисларини қизиқтираётгани табиий. 

Маълум бўлишича, посбон бугун машғулотларда иштирок этган. Аммо ўзини ҳамон ноқулай ҳис қилмоқда. Тер Штегеннинг тикланиши учун бир қанча муддат керак бўлиши айтилмоқда. Шу тариқа, у "Атлетико"га қарши муҳим беллашувда "кўк-анорранглилар"га ёрдам бера олмаслиги эҳтимоли юқори. 

Маълумот ўрнида, Марк жорий мавсум Ла Лиганинг 13 ўйинида ўз дарвозасидан 13 та тўп олиб чиқди. Шунингдек, германиялик футболчи 6 баҳсни гол ўтказиб юбормасдан якунлади.