Тер Штеген қачон сафга қайтади?

"Барселона" дарвозабони Марк-Андре тер Штеген тиззасидан муваффақиятли операция қилинди. Бу ҳақда клуб расмий сайти хабар тарқатмоқда.

Юқоридаги манбага кўра, германиялик посбоннинг сафга қайтиши учун тахминан 2,5 ой вақт талаб этилади. Шу тариқа, у ноябргача жамоасига ёрдам беролмайдиган бўлди.

28 ёшли тер Штеген “Барселона” сафида 2014 йилдан буён тўп суриб келмоқда. У ўтган давр мобайнида 226 та ўйинда майдонга тушди ва ўз дарвозасидан 222 та гол ўтказиб юборди. Унинг клуб билан амалдаги шартномаси 2022 йилга қадар имзоланган.