Тожикистон терма жамоаси Россияга қарши ўйин учун тайёргарликни бошлади. Суперлигамиздан кимлар чақирилди?

Ён қўшнимиз – Тожикистон терма жамоаси 17 ноябрь куни Душанбе марказий стадионда Россияга қарши ўртоқлик учрашувида майдонга тушади.

Шу муносабат билан Тожикистон терма жамоасининг хорватиялик бош мураббийи Петр Сегрт бўлажак ўйин учун таркибга 28 нафар футболчини чақирди. Уларнинг орасида 15 нафари легионерлар ҳисобланади.

Суперлигамизда тўп сураётган бир қатор футболчилар ҳам бор. Жумладан, Алишер Жалилов, Зоир Жўрабоев ва Манучехр Сафаров терма жамоага чақирилди.

Бугун, яъни, 10 ноябрдан машғулотлар Душанбеда бошланади.

Дарвозабонлар: Рустам Ятимов, Мухриддин Ҳасанов (иккаласи – “Истиқлол”), Шохруҳ Киргизбоев (“Хўжанд”).

Ҳимоячилар: Вахдат Ҳасанов (“Персеполис”, Эрон), Зоир Жўрабоев (“Сурхон”, Ўзбекистон), Манучехр Сафаров (“Локомотив”, Ўзбекистон), Мехрибон Каримов (“Динамо-Авто”, Молдова), Ахтам Назаров, Сиёвуш Асроров, Алижон Кароматуллозода, Далер Имомназаров (барчаси – “Истиқлол”).

Ярим ҳимоячилар: Алишер Жалилов (АГМК, Ўзбекистон), Парвиз Умарбоев (ЦСКА-1948, Болгария), Амирбек Жўрабоев (“Юнайтед Сити, Филиппин), Эхсони Паншанбе ("Зоб Ахан”, Эрон), Алижон Айни (Краснодар-2”, Россия), Комрон Турсунов (“ТРАУ, Ҳиндистон), Муродали Акназаров (“Антальяспор”, Туркия), Хусрав Тоиров (“Атирау”, Қозоғистон), Салом Ашурмамадов (“Броук Бойз”, Россия),  Муҳаммаджон Раҳимов (“Истиқлол”), Хуршед Абдуллоев (ЦСКА, Душанбе), Азизбек Хаитов (“Динамо”, Душанбе).

Ҳужумчилар: Шахром Самиев (“Ислочь, Беларусь), Рустам Соиров (“Левадия”, Эстония), Манучехр Жалилов, Шервони Мабатшоев (иккиси – “Истиқлол”), Нуриддин Ҳамроқулов (“Хатлон”).