Ads

Лондоннинг “Тоттенхэм” клуби раҳбарияти жамоа бош мураббийи Маурисио Почеттино билан амалдаги шартномани узайтирмоқчи.

The Telegraph нашри тарқатган хабарга кўра “шпорлар” 45 ёшли аргентиналик мутахассиснинг клубдаги фаолиятидан тўлиқ қониқиш ҳосил қилишмоқда ва шу боис унга молиявий томондан яхшиланган янги шартнома таклиф қилишмоқчи. Лондонликлар Почеттинони “Тоттенхэм”ни янги стадионда ҳам бошқаришини исташмоқда.

Эслатиб ўтамиз, Почеттино “Тоттенхэм” бошқарувига 2014 йил келган ва 2016 йил жамоа билан 5 йиллик шартнома имзолаган эди. Унга кўра мутахассиснинг маоши йилига 5,5 млн фунтни ташкил этади.

Бундан аввалроқ Почеттинога Мадриднинг “Реал” клуби катта қизиқиш билдира бошлагани ҳақида хабарлар тарқалган эди.