Трент АПЛга қайтиши мумкин

"Реал Мадрид"га "Ливерпуль"дан эркин агент мақомида келиб қўшилган Трент Александр-Арнольд қишда клубни тарк этиши мумкин. Бу ҳақда "Caught Offside" нашри хабар берди.

Манбага кўра, Трент Карвахалнинг қайтишидан сўнг асосий таркибдаги жойини йўқотиши кутилмоқда. Агар футболчи ўйин амалиётисиз қолса, қишда мадридликларни тарк этади. "Манчестер Сити" Трент билан боғлиқ вазиятни диққат билан кузатиб бормоқда.

Маълумот учун, англиялик ҳимоячининг "қаймоқранглилар" билан тузган шартномаси 2031 йилнинг ёзигача амал қилади. 26 ёшли футболчининг "Transfermarkt" порталидаги нархи 75 миллон евро.