Туркия кубоги. “Трабзонспор” финалда ғалаба қозониб, “Башакшеҳир”га еврокубокларда иштирок этиш имконини берди

Туркия кубогининг финал учрашуви бўлиб ўтди.

Бош соврин учун кечган баҳсда “Трабзонспор” “Коняспор”ни 2:1 ҳисобида мағлуб этди. Дастлаб, 18-дақиқада Пол Онуачу ҳисобни очган бўлса, 50-дақиқада Жексон Мулека мувозанатни тиклади.

Кейин эса яна катта саҳнага Онуачу чиқди. Ҳужумчи 79-дақиқада пенальтидан гол уриб, жамоасига ғалаба келтирди.

Шу тариқа, “Трабзонспор”нинг кубокдаги ғалабаси “Истанбул Башакшеҳир” учун ҳам муҳим натижага айланди. Сабаби, чемпионатда кучли тўртликдан жой олган жамоа Туркия кубогини ҳам қўлга киритса, еврокубок йўлланмаси лига орқали кейинги жамоага берилади.

Натижада Суперлигини 5-ўринда якунлаган “Башакшеҳир” келаси мавсум УЕФА Конференциялар лигасида иштирок этадиган бўлди.