Тухель Англия терма жамоаси билан янги шартнома имзолади

Англия терма жамоаси билан ажойиб натижалар қайд этаётган Томас Тухель янги шартнома борасида раҳбарият билан келишиб олди. Германиялик мутахассис 2028 йилгача амал қиладиган битимга имзо чекди.

Тухелнинг эски шартномаси Жаҳон чемпионати якунланганидан кейин ўз ниҳоясига етиши керак эди. Ёзда эса клублар унга алоқага чиқиши аниқ, бу эса Томасни ҳозир чалғитиши мумкин. Шу сабабли, "уч шерлар" битимни кейинги Еврога қадар узайтиришни маъқул кўрди.

52 ёшли мутахассис қўл остида Англия Жаҳон чемпионати саралашида 100 фоизлик натижа қайд этди, яъни барча учрашувларда ғалаба қозониб, гуруҳда биринчи ўринни қўлга киритди. Олдинда терма жамоани Уругвай ва Японияга қарши ўртоқлик ўйинлари кутиб турибди.

2028 йилда бўлиб ўтадиган Евро чемпионатини Англия Шотландия, Уэльс ва Ирландия Республикликаси билан биргаликда қабул қилади. Шундай экан, раҳбарият ушбу мусобақага жиддий тайёргарлик кўришни мақсад қилган.