UFC собиқ жангчиси 6 ойга қамалди

34 ёшли америкалик аралаш жанг санъати вакили Аризона штатидаги туман қамоқхонасида олти ой муддатга озодликдан маҳрум этилди. Бу ҳақда "ММА Fighting" нашри хабар бермоқда.

Ҳодисага 22 июлга ўтар кечаси Финикс шаҳрида юз берган. Жабрланган аёлнинг сўзларига кўра, Кенни уни 13 соат давомида урган, тишлаган, бўғган ва чиқиб кетишга рухсат бермаган. У, шунингдек, аёлни қўрқитиб, агар кимдир унга ёрдамга келса, уларни ўлдиришини айтган. Шундан сўнг, полиция оилавий зўравонлик ҳақида хабар олгач, воқеа жойига етиб келиб, барчасини бартараф этган.  

Суд қарорига кўра, Кейси Кенни 6 ой қамоқ, 3 йил синов муддатида бўлади. Унга спиртли ичимликлардан бутунлай воз кечиш, жабрдийдадан узоқда юриш ва гиёҳвандлик ҳамда оилавий зўравонлик бўйича махсус даволаниш курсини ўташи шарти белгиланди.