Ulkan iste'dodli yosh himoyachisi grand nishoniga tushdi

Niderlandiya futbolida buyuk himoyachilar anʼanasi bor – Ruud Krol, Ronald Kuman, Ruud Gullit va Virjil van Deyk kabi yulduzlar bunga misol. Endi esa yangi nom paydo bo‘ldi — Ruud Neyshtad.

“Tvente”ning 18 yoshli markaziy himoyachisi Yevropaning top klublari eʼtiboriga tushdi.

Ruud Neyshtad 2008 yil 17 yanvarda Niderlandiyaning Almelo shahrida tug‘ilgan. U futboldagi ilk qadamlarini DETO klubida boshlab, 11 yoshida “Tvente” va “Xerakles” akademiyalariga qo‘shilgan.

16 yoshga yaqinlashganda “Milan” va “Yuventus” uni o‘z safiga qo‘shib olishni istagan. Ammo u “Tvente”da qolishni tanladi.

17 yoshida Ruud ilk bor asosiy jamoa qaydnomasiga kiritildi. 2025 yil oktabrda “Xerakles”ga qarshi derbida asosiy himoyachi Robin Propper jarohat olgach, Neyshtad maydonga tushdi va darhol o‘zini ko‘rsata oldi.

Ushbu o‘yinda u muxlislar tomonidan eng yaxshi futbolchi, deb topildi.

Neyshtad tez orada asosiy tarkibda mustahkam o‘rin egalladi. U “Ayaks”ga qarshi o‘yinda ilk assistini amalga oshirdi.

Bu himoyachi hozirda Stav Lemkin bilan markaziy himoyada yaxshi juftlik hosil qilgan va chap qanot himoyachisi Mats Rots bilan ham yaxshi o‘yin namoyish etmoqda.

Aprel oyida “Ayaks”dan ustun kelingan uchrashuvda u juda kuchli o‘yin ko‘rsatdi va keyingi haftada “Volendam”ga qarshi o‘yinda ilk golini urdi.

Neyshtad to‘pni nazorat qilishda juda kuchli. U hujumni boshlash va to‘pni ishonch bilan olib chiqishda ajralib turadi. Zamonaviy himoyachi sifatida u markazdan chiqib, yarim himoyaga ham yordam bera oladi.

Uning aytishicha, jarima maydonida himoyada va o‘ng oyoq bilan o‘ynashda yana o‘sishi kerak. Masalan, Vaut Vegxorstga qarshi duel larida qiynalgan. Neyshtadni ko‘pincha afsonaviy Frank de Bur bilan solishtirishmoqda. Shuningdek, Natan Ake bilan ham o‘xshash jihatlari bor.

Neyshtad hozir “Tvente”ga Yevropa Chempionlar Ligasi yoki Yevropa Ligasiga chiqishda yordam berishga eʼtibor qaratgan. Uning shartnomasi 2027 yilgacha amal qiladi.

Yosh iqtid or egasini hozir “Barselona”, “Bavariya” va “Chelsi” kabi klublar kuzatmoqda. Transfer narxi taxminan 8 million yevro deb baholanyapti.

Murabbiy Jon van den Brom uni katta kelajak kutayotganini taʼkidladi: “Ruud juda katta isteʼdod va yuqori darajaga chiqishi mumkin”.