Вадим Абрамов: "Ҳозирги кунда футбол шундай бўлиб кетди, ютуққа эришилса, ўйин сотиб олинган ёки мағлубиятга учралса, ўйин сотилган бўлади ..."

26-турдаги "Динамо" – "Қўқон-1912" (2:0) баҳсидан сўнг Вадим Абрамов фикрлари билан ўртоқлашди.

- Йигитларга ўйин учун раҳмат! Про лигага тушиб кетганимизга қарамасдан, улар кетма-кет 2 ўйинда борларини беришди. Ўйинга келсак, ҳеч нарсага қарамасдан, ўйин учун танлаган режамиз иш берди ва ғалаба қозондик.

- "Динамо" кетма-кет 3 ўйинда мотивацияга бой жамоалар – чемпионлик учун курашган "Насаф", Суперлигада қолиш илинжида ўйнаган "Сурхон" ва "Қўқон-1912" билан тўқнаш келди, аммо яхши ҳаракат қилди. Нега бошқа ўйинларда жамоангиз ўйини чиқмади?

- Келганимда, оптимал бир таркибни йиға олмадик. Ҳар гал кимдир дисквалификацияга учради ёки кимдир жароҳат олди. Шу боис оптимал таркибдан фойдалана олмадик. Асосий муаммо ҳимоямизда эди. Фақат бир нафар номинал ҳимоячига эга эдик. Сабаби шунда. Гап мотивация ёки бошқа нарсада эмас. Афсуски, ҳозирги кунда футбол шундай бўлиб кетди... Сиз журналистлар ёзганингиздек, ютуққа эришилса, ўйин сотиб олинган ёки мағлубиятга учралса, ўйин сотилган бўлади... Кўрамиз, энди нима дейишаркан.

- Сўнгги 3 ўйинда яхши ҳаракат қилдингиз. Про лигада қоласизми? Билишимча, ҳеч қачон бу лигада фаолият юритмагансиз...

- Ҳа, нимадир қачондир биринчи марта бўлади. Шунинг учун ҳечқиси йўқ. Ҳаммаси билан рўбарў келамиз. Кўрамиз, бу муаммо эмас деб ўйлайман.

Бу нормал ҳолат. Про лигада ҳам бир йилда Самарқанд шарафини муносиб ҳимоя қиладиган яхши жамоа тузса бўлади» - дейди «Динамо» устози Вадим Карленович.

Манба: "Динамо" матбуот хизмати.