Вальверде Винисиусга нисбатан бўлган ирқчиликка изоҳ берди

УЕФА Чемпионлар лигасининг плей-офф босқичидан ўрин олган "Бенфика" — "Реал Мадрид" (0:1) учрашуви жанжалларга бой ўтди. Федерико Вальверде Винисиус Жуниорга нисбатан ирқчилик ҳамда Престианни билан боғлиқ можаро ҳақида фикр билдирди.

"Биз аниқ нима дейилганини билмаймиз. Аммо ёнимда турган барча жамоадошларимнинг айтишича, жуда ёқимсиз сўзлар ишлатилган. Бундай ҳолатларга қарши курашаётганлар кўп, Винисиус ҳам улардан бири.

Афсуски, шунча камера бўлишига қарамай, айтилган сўзлар ёзиб олинмади. Мен Винисиус билан фахрланаман — ҳам унинг ўйини, ҳам позицияси билан.

Ҳақорат — жуда жиддий масала. Бундай ҳолатлар аввал ҳам кўп бор содир бўлган. Жамоадош сифатида биз Винисиусни қўллаб-қувватлашимиз шарт. Бирорта камера бу эпизодни қайд этмаганига ишонишим қийин", — деди  ярим ҳимоячиси Movistar эфирида.