Ван Дейк: "Салоҳ кетгач, унинг қадри янада билинади"

"Ливерпуль" ҳимоячиси Виржил ван Дейк жамоадоши Муҳаммад Салоҳнинг клубни тарк этиши ҳақида фикр билдирди.

Маълум қилинишича, мисрлик ҳужумчи жорий мавсум якунланганидан сўнг мерсисайдликлар сафини тарк этади.

"Салоҳ жамоа учун ҳам майдонда, ҳам майдон ташқарисида жуда муҳим. Баъзан футболчиларнинг қадри улар кетганидан кейин янада яхши англанади. У ажойиб жамоадош, биз у билан бирга кўплаб қувончли ва қийин пайтларни бошдан кечирдик. Премьер-лигадаги қолган ўйинларда ҳам унинг ёрдами бизга жуда керак бўлади", — деди нидерландиялик ҳимоячи.

Маълумот учун, Муҳаммад Салоҳ 2017 йил ёзидан буён "Ливерпуль" сафида тўп суриб келмоқда. 33 ёшли футболчининг бозордаги қиймати тахминан 30 миллион евро деб баҳоланмоқда.