Venger: "Kerrik jamoada nimadir yarata oldi"

"Arsenal"ning sobiq bosh murabbiyi Arsen Venger "Manchester Yunayted"ning "Emireyts"dagi g‘alabasidan so‘ng Maykl Kerrikning ishini yuqori baholadi.

Angliya Premyer ligasining 23-turida MYu "Arsenal"ni 3:2 hisobida mag‘lub etdi.

"Arsenal"ga sabr-toqat va texnik uyg‘unlik yetishmadi, bu jihatlar "Manchester Yunayted"da bor edi. Ular ishonchli o‘ynamoqda. Odatda 2:2 hisobidan keyin maydon egalari g‘alaba qozonadi. Men Kerrikni tabriklamasdan ilojim yo‘q — u jamoada nimadir yaratdi", — deya ta’rif berib o‘tdi londonliklarning sobiq bosh murabbiyi.

Ma’lumot o‘rnida, onlayn turnir jadvalida "Arsenal" 50 ochko bilan yetakchilik qilmoqda. 2 va 3-o‘rindagi "Manchester Siti" hamda "Aston Villa"da 46 ochkodan mavjud. "Manchester Yunayted" esa 38 ochko bilan 4-o‘rinda kelmoqda.