Винисиус Жуниор: "Реал Мадрид" требл қайд этишга қодир"

Бразилия миллий терма жамоаси ва "Реал Мадрид" клуби ҳужумчиси Винисиус Жуниор "Реал Мадрид" билан требл қайд этиш истаги борлигини маълум қилди.

“Испания кубоги бизга ҳар доим требл ютишимизга тўсқинлик қилади. Чунки биз январь ойида жуда қийин рақибларга қарши ўйнаймиз ва айнан ўша пайтда энг кўп ўйинлар ўтказилади. Шунинг учун кубок баҳсларини ютиш анча қийин бўлади.

Биз ҳар бир турнирда сиз босимга дуч келамиз. "Реал" доимо ўзи иштирок этган барча мусобақаларда ғалаба қозонишни хоҳлайди. Буни нафақат футболчилар балки, мухлисларнинг ўзи ҳам талаб қилади.

Шунча ташқи босимларга қарамай треблни қўлга киритиш мақсадимиздан асло қайтмаймиз. Бу натижа орқали клубда янги ва унутилмас саҳифалар очишни режа қилганмиз", - деди "Реал Мадрид" вингери.