Винисиус Жуниор терма жамоа машғулотларига қайтди

"Реал Мадрид" ва Бразилия терма жамоаси аъзоси Винисиус Жуниор машғулотларга қайтди ва Хорватияга қарши ўйинда иштирок этишга тайёр. Аввалроқ Францияга қарши баҳсда (1:2) тўлиқ ўйнаган Винисиус шундан кейинги машғулотда иштирок этмаган эди.

Инсайдер Фабрицио Романо маълумотига кўра, футболчи яна терма жамоанинг умумий гуруҳ машғулотларига қўшилди. Шу тариқа, у 31 мартдан 1 апрелга ўтар кечаси Орландода бўлиб ўтадиган Хорватияга қарши ўйинда майдонга тушиши мумкин.

Маълумот учун, 25 ёшли вингер "пентакампеонлар" таркибида 46 та ўйинда майдонга тушиб, 8 та гол киритган.