Винисиус: "Реал"да қолмоқчиман"

Винисиус Жуниор ўзининг хет-трикидан сўнг "Реал Мадрид"да абадий қолмоқчи эканлигини айтди.

- Мен ҳар доим кўпроқ нарсани қила оламан. Жамоада абадий қолишни, менга ҳамма нарсани берган жамоага бундан ҳам кўпроқ нарсани беришни хоҳлайман.
Мухлислар мени қўллаб-қувватлаётганидан хурсандман, - деди вингер.

Маълумот учун, Бразилия терма жамоасининг 24 ёшли вингери Чемпионлар лигаси умумий босқичи 3-турида 62, 86 ва 93-дақиқаларда гол уриб, "Реал"нинг Дортмунднинг "Боруссия" клуби устидан йирик ҳисобда ғалаба қозонишига (5:2) ёрдам берди.