Владо Радманович: "Аббосбек Файзуллаев ва Остон Ўруновларда кичик жарохат бор"

Хабарингиз бор, эртага "ЖЧ-2026" саралаши доирасидаги Ўзбекистон - Эрон баҳси  бўлиб ўтади. 

Ушбу беллашув олдидан матбуот анжумани бўлиб ўтди ва унда Сречко Катанецнинг ёрдамчиси Владо Радманович ва футболчи Одилжон Хамробеков қатнашиб, журналистларнинг саволларига жавоб берди.

- Аввало жаноб Катанецнинг ўрнини билинтирмасликка харакат қиламиз. У билан доимий алоқада бўлиб турибмиз. Ноябрь ойидаги йиғинларда биз билан бўлишини таъкидлади. Асосийси, бизни эртага ўта муҳим ўйин кутиб турибди. 

- Фикрингизга қўшиламан, бош мураббийнинг ўрни алоҳида. Аввалги ўйинда ўзгаришлар қилишга кеч қолдик. Буни ҳам эътироф этаман. Катанецнинг БАА терма жамоасида ишлагани бизга ёрдам бериши мумкин. Айнан у эртанги рақибимиз бош мураббийи бўлган даврда Ўзбекистонни мағлуб қила олган. Рақиб ҳақида етарлича маълумотга эгамиз. Лекин у даврдан бери иккала жамоада ҳам кўп нарса ўзгарди.

- БАА термасининг ўйинларини чуқур таҳлил қилдик. Рақиб асосан ҳимояга ётиб ўйнайди. Афсуски, Аббосбек Файзуллаев кечаги машғулотларда жароҳат орттириб олди. Остон Ўруновда ҳам кичик жароҳат мавжуд. Шифокорлар билан маслахатлашиб, уларнинг холатини кузатиб борамиз.

- Эрон Осиёнинг кучли терма жамоаларидан бири. Охирги 3 та ўйинда биз форсларга мағлуб бўлмадик. Иккита ўйинда уларга гол кирита олмаганимиз эса, менимча, уларда яхши шаклланган химоя қўрғони борли билан боғлиқ. Улар бир неча йиллардан бери стабил равишда ўйин намойиш этмоқда.

- Вазият тақозоси билан ўзгаришларга қўл урамиз. Бизда заҳира ўриндиғида етарлича ҳужумкор футболчиларимиз бор. Беллашув боришига қараб, уларни ўйинга ташлашимиз мумкин.