"Хаддерсфилд" устози жамоани АПЛда олиб қолгани учун қанча мукофот олади?

“Хаддерсфилд” клуби бош мураббийи Дэвид Вагнер жамоани премьер-лигада олиб қолгани учун мукофотланади.

The Telegraph нашри тарқатган хабарга кўра 46 ёшли мутахассис бунинг учун нақд 2,5 млн фунт билан тақдирланади. Боиси, бундай банд Вагнернинг клуб билан тузилган шартномасида белгилаб қўйилган.

Бундан ташқари жамоа раҳбарияти Вагнерга янги шартнома ҳам таклиф қилмоқчи. Унга кўра мураббийнинг маоши янада оширилиши кўзда тутилган. Айтиш керакки, унинг айни дамдаги йиллик маоши 2,5 млн фунтни ташкил этади.

Эслатиб ўтамиз, АПЛ дебютанти ҳисобланган “Хаддерсфилд” мусобақанинг ортда қолган 37та тур якунларига кўра 37 очко билан жадвалнинг 16-ўрнини эгаллаб турибди ва сўнгги тур олдидан ушбу жамоани қуйи дивизионга тушиб кетувчи хавфли зонадан 4 очко ажратиб турибди.