Ханс-Дитер Флик: "Жавоб ўйинида курашамиз"

"Барселона" бош мураббийи Ханс-Дитер Флик Испания Кубоги ярим финали биринчи учрашувида "Атлетико"дан (0:4) қабул қилинган мағлубиятга муносабат билдирди.

"Ўйинимиз яхши бўлмади. Энди жавоб баҳси ҳақида ўйлашимиз керак. Жуда қийин бўлади, аммо биз курашамиз.

Танаффусда турли вазиятларни муҳокама қилдик ва қандай қилиб яхшироқ ҳаракат қилиш мумкинлигини кўриб чиқдик. Биринчи бўлимда мен кўришни истаган жамоани кўрмадим", — деди мутахассис.

Шунингдек, у Кубарсининг бекор қилинган голи ҳақида ҳам тўхталди.

"Нега бу офсайд экани менга қизиқ. Қандай қарор қабул қилинганини билмайман. Биз буни қабул қилишимиз керак, аммо мен рози эмасман", — дея фикр билдирди Флик.