Xavi "Ayaks" bosh murabbiyiga aylanishi mumkin

"Barselona" bosh murabbiyi Xavi Ernandes "Ayaks"ni boshqarishi mumkin. Bu haqda "Diario Sport" xabar bermoqda.

Manbaga ko‘ra, Amsterdam klubi mavsum yakunlangach, murabbiyini o‘zgartiradi va Xavi murabbiylikka nomzodlardan biri bo‘lib turibdi. Xavining o‘zi "Barselona"ni tark etgach, kamida bir yil ishlamoqchi emas. Avvalroq ispaniyalik mutaxassisning xizmatlariga "Nyukasl" va "Chelsi" klublari qiziqish bildirayotgani haqida xabar berilgandi.

Eslatib o‘tamiz, Xavi qishdayoq mavsum oxirida "ko‘k-anorranglilar" bosh murabbiyligidan ketishini ma’lum qilgan edi.