Хави "Аякс" бош мураббийига айланиши мумкин

"Барселона" бош мураббийи Хави Эрнандес "Аякс"ни бошқариши мумкин. Бу ҳақда "Diario Sport" хабар бермоқда.

Манбага кўра, Амстердам клуби мавсум якунлангач, мураббийини ўзгартиради ва Хави мураббийликка номзодлардан бири бўлиб турибди. Хавининг ўзи "Барселона"ни тарк этгач, камида бир йил ишламоқчи эмас. Аввалроқ испаниялик мутахассиснинг хизматларига "Ньюкасл" ва "Челси" клублари қизиқиш билдираётгани ҳақида хабар берилганди.

Эслатиб ўтамиз, Хави қишдаёқ мавсум охирида "кўк-анорранглилар" бош мураббийлигидан кетишини маълум қилган эди.