Хави бунақа хор бўлмаган

“Барселона” мутасаддилари жамоанинг собиқ бош мураббийи Хави Эрнандесга мурожаат қилиб, иш жараёнида фойдаланиш учун мураббийлар штаби вакилларига берилган iPhone ва iPad гаджетларини қайтаришни талаб қилди.

Клубдагилари Apple техникаларини “Барселона” мулки, деб ҳисобламоқда ҳамда Хави ва у билан ишлаган мураббийлар гаджетларни қайтаришга мажбурлигини таъкидламоқда.

Маълумки, клуб афсонаси ҳисобланган Хави Эрнандес 2021 йилнинг ноябридан 2024 йилнинг майигача “Барселона” бош мураббийи сифатида фаолит юритган.

44 ёшли мутахассис қўл остида каталонияликлар Испания чемпионати ва мамлакат Суперкубогида зафар қучган.