Xokkey. "Humo" finalning ikkinchi bahsida "Nomad"ga imkoniyatni boy berdi

Qozog‘iston Pro-ligasida chempionlik uchun kurashayotgan “Humo” bugun Toshkentda “Nomad”ga qarshi finalning ikkinchi uchrashuvini o‘tkazdi.

Qiziqarli va gollarga boy kechgan o‘yin afsuski “qanotlilar”ning 3:6 hisobidagi mag‘lubiyati bilan yakunlandi.

Eslatib o‘tamiz, kecha ushbu jamoalar o‘rtasidagi dastbalki bahsda 3:2 hisobida “Humo” g‘alaba qozongan edi.

Endi "Humo" va "Nomad" jamoalari o‘rtasidagi finalning uchinchi o‘yini 7 aprel kuni Ostona shahrida bo‘lib o‘tadi. Aytish kerakki, final bahsi ham to‘rtta g‘alabagacha davom etadi. Hozircha ikki o‘yindan so‘ng hisob 1:1.