Холанд Доннаруммани юқори кайфият билан кутиб олди

"Манчестер Сити" ҳужумчиси Эрлинг Холанд жамоага янги қўшилган Жанлуижи Доннаруммага мурожаат қилди.

"Хуш келибсан, Жиджи!" — деб ёзди норвегиялик форвард ўз ижтимоий тармоқ саҳифасида. Холанд ушбу хабарга Доннарумма билан биргаликдаги суратини ҳам илова қилди.

Эслатиб ўтамиз, ёзги трансфер ойнасида Доннарумма ПСЖдан "Манчестер Сити"га ўтди. Италиялик дарвозабон парижликлар сафида 2021 йилдан буён тўп суриб келаётган эди.

"Шаҳарликлар" ўзининг навбатдаги баҳсини 14 сентябрда ўтказади. Англия Премьер-лигаси 4-тур доирасида Гвардиола шогирдлари "Манчестер Юнайтед"га қарши майдонга тушишади.