Xoland gol urishda Ronaldu va Messini dog‘da qoldirdi

Payshanba oqshomida Erling Xoland Klublar o‘rtasidagi Jahon chempionatida "Yuventus"ga qarshi o‘yinda gol urdi. Ushbu gol "Manchester Siti" hujumchisi faoliyati davomidagi 300-gol bo‘ldi. Gollar sonini 300 taga etkazish uchun Xolandga 370 ta o‘yin kerak bo‘ldi. Bu borada norvegiyalik futbolchi Krishtianu Ronaldu, Lionel Messi va Kilian Mbappe kabi yulduzlarni ortda qoldirdi.

554-o‘yinda Ronaldu 300-golni, 418-o‘yinda Messi, 409-o‘yinda Mbappe kiritgan. Agar Xoland shu tempda davom etsa, unda gollar soni bo‘yicha Ronalduni ortda qoldirish uchun yaxshi imkoniyatga ega bo‘ladi. Krishtianu hozircha 938 ta gol urgan.