Хулиан Альварес АПЛга қайтиши мумкин

Хулиан Альварес яқин вақтларда Англияга қайтиши мумкин. Бу ҳақда "TEAMtalk" манбаси хабар бермоқда.

Маълум қилинишича, "Арсенал" ва "Челси" скаутлари Чемпионлар лигасида "Атлетико" ҳамда "Тоттенхэм" ўртасидаги ўйинни стадиондан туриб кузатган. Уларнинг асосий мақсади аргентиналик ҳужумчининг ўйинини бевосита баҳолаш бўлган.

Учрашув 3:2 ҳисобида "Тоттенхэм" ғалабаси билан якунланган бўлса-да, икки ўйин натижасига кўра мадридликлар кейинги босқичга йўл олган.

Манбага кўра, Альварес "Атлетико" раҳбариятига трансферга тайёр эканини маълум қилган. Бироқ у аввало "Барселона"га ўтишни истамоқда.

Маълумот учун, Альварес аввал Англияда "Манчестер Сити" сафида тўп сурган.