Яхшибоевнинг ўрнини ким эгаллайди?

Беларусь чемпионати кўплаб легионерлар учун Европанинг кучлироқ лигаларига ўтишида ўзига хос трамплин вазифасини ўтаб бермоқда. Беларусь олий лигасида 2020 йилги мавсумнинг энг ёрқин хорижлик футболчиси Жасур Яхшибоев бўлганига шубҳа йўқ.

Ҳужумкор ярим ҳимоячимиз илк бор юртидан узоқдаги лигада қатнашганига қарамай, ўзининг энг яхши томонларини намойиш қила олди ва қатор клублар эътиборига тушди. Беларусь чемпионати ғолиби бўлган Жасур Яхшибоев охир-оқибат Польша чемпиони “Легия” клуби билан шартнома имзолади.

Жасур Яхшибоев Беларусь чемпионатида бир мавсумда икки жамоа – “Энергетик-БГУ” ва “Шахтёр” шарафини ҳимоя қилди. Муҳими, ҳар икки клубда ҳам тўпурар ва энг фойдали ўйинчи бўлди.

mwU3KJ6tXBo-1024x683

Ҳамюртимиз минсклик “талабалар” таркибида 14 та ўйинда 9 та гол урди. Биринчи даврада БАТЭ, “Минск”, “Смолевичи”, “Слуцк”, “Ислочь”, “Славия” дарвозаларини ишғол қилди. Чемпионатнинг иккинчи ярмида Солигорскка кўчиб ўтган ҳужумчи 13 та учрашувда еттита гол уришга эришди. Бу гал “Городея”, “Смолевичи”, “Витебск” ва “Белшина” посбонлари ўзбек футболчисининг аниқ зарбасидан сўнг, тўпни ўз тўридан олиб чиқди. Умумий ҳисобда 16 та гол урган Жасур олий лигадаги 16 та клубдан тўққизтасининг дарвозасига йўл топа олди. Жами олтита голли пас муаллифи ҳам бўлди.

Яхшибоевни “Шахтёр” таркибида Европа Чемпионлар лигасида ўйнаш имконияти ҳам ушлаб қола олгани йўқ. У Беларусдан кетганини маҳаллий мутахассислар, мураббийлар, журналистлар, таҳлилчилар ва мухлислар лига учун катта йўқотиш, деб баҳолади.

Бу йил ҳам Беларусь олий лигасида ўз олдига юксак мақсадларни қўйган чет эллик ўйинчилар кўп. Маҳаллий мутахассислар улар орасидан қайси футболчилар Жасур Яхшибоев эришган чўққига кўтарила олишини таҳлил қилиб чиқди.

Демак, жорий мавсумда ўзини кўрсатиши кутилган легионерлар билан танишамиз.

Дембо Дарбо (“Шахтёр”)

“Шахтёр”га қўшилган гамбиялик ёш футболчи Жасурнинг ўрнини муносиб тарзда боса бошлади. Ўз юртидан ташқари Сенегал ва Шимолий Македонияда тўп тепган бу футболчи солигорскликлар таркибида бешта учрашувда бешта гол урди.

dembo-darboe-1599589392-46955

Шаҳзод Убайдуллаев (“Шахтёр”)

Ўзбекистонлик легионер аслида Жасур Яхшибоев ўрнига таклиф қилинган эди ва унга ўтган йилги тўпурарнинг 7-рақами топширилди. Шаҳзод мавсумолди йиғинларида жамоада энг кўп – тўртта гол урган футболчи сифатида қайд этилди. Лекин ҳамюртимиз чемпионат бошланганидан кейин ички рақобатда Дарбога имкониятни бой бермоқда. Шаҳзод учта учрашувда қатнашиб, ҳали гол ура олгани йўқ.

img_SaZttK_600

Жан-Морель По (“Динамо Минск”)

“Динамо Минск” шарафини ҳимоя қилаётган бу ҳужумчи Кот-д'Ивуардан келганига уч йилдан ошди. Ниҳоят, бу мамлакатдаги тўртинчи жамоаси сафида По узоқ кутилган тўпурарлик маҳоратини намойиш қила бошлади. Бешта ўйинда қатнашган футболчи “Слуцк” ва “Гомель” дарвозаларини ишғол қилди.

201013_01

Шаҳбоз Умаров (БАТЭ)

Легионеримиз ўтган йили Жасур Яхшибоев билан “Энергетик-БГУ”да тўп тепган эди. Ёрқин ўйинлари туфайли борисовликлар сафига таклиф қилинди. Умаров дарров жамоа етакчисига айланди. Бешта учрашувда учта гол урди. Ҳар бир голи жуда чиройли тарзда киритилди. Шаҳбоз учинчи турнинг энг яхши футболчиси, деб эътироф этилди.

551783_original

Станислав Беленький (“Динамо-Брест”)

Украинадан келган бу футболчи ҳам дастлабки турлардан ўзини кўрсатмоқда. Бешта ўйинда қатнашган Стас иккита тўп киритди. У гол урган ўйинларда жамоаси тўрт очко олишга муваффақ бўлди. “Динамо-Брест” эса чемпионлик учун курашда “Шахтёр” ва БАТЭ билан муносиб рақобатлашмоқда.

football-stanislavbelenkiy-800x445

Ариагнер Смит (“Спутник”)

Никарагуалик бу йигит, ҳозирча иккита учрашувда майдонга туширилди. Беларусь чемпионатидаги дастлабки голини ўзбекистонлик футбол мухлисларига яхши таниш бўлган “Энергетик-БГУ” дарвозасига жойлаб, жамоасига 1:0 ҳисобида ғалаба келтирди.

988bc0bd9a09a9822d4ae1128f6fa9e560707ec13cd3e697361271

Беларусь олий лигасида бу легионерларга маҳаллий футболчилардан Максим Скавиш, Андрей Словей, Ленис Лаптев, Дмитрий Комаровский, Александр Шестюк каби маҳоратли чарм тўп усталари муносиб рақобат кўрсатмоқда.  

Бизга шундай легионер керак! Мухлислар ўзбек футболчисини ўрнидан туриб олқишлади

Вадим Абрамов тўпурар легионеримиз ўйинини кўргани Европага борди! (фото)

Матнда хатолик топсангиз, ўша хатони белгилаб, бизга жўнатинг (Ctrl + Enter)

Минбар

Барча блоглар