Bizga shunday legioner kerak! Muxlislar o‘zbek futbolchisini o‘rnidan turib olqishladi

  • 19 aprel, 2021, 04:35
  • Zohir Toshxo’jayev
  • 0
  • Futbol
TIGGO 2 PRO

Belarus chempionatini yoritayotgan jurnalistlar BATE etakchisiga aylanib borayotgan Shahboz Umarovning o‘yiniga alohida e’tibor qaratmoqda. Shahboz aslida o‘tgan yili “Energetik-BGU” tarkibida muvaffaqiyatli o‘ynagan bo‘lsa-da, muxlisu mutaxassislarning nigohi to‘purarlik mahoratini namoyish qilgan Jasur Yaxshiboevga qadalgan edi. Aytish mumkinki, Shahboz do‘stining soyasida qolib ketgandi.

014.03.2021_bate_slyzk_30

Bu yil vaziyat o‘zgardi. Jasur Yaxshiboev baxtini Polsha chempionatidan izlamoqda. Shahboz esa, Belarus oliy ligasida yangi mavsumning dastlabki turidan hammaning e’tiborini o‘ziga qarata boshladi. Hatto, O‘zbekiston milliy terma jamoasi bosh murabbiyi Vadim Abramov Belarusga borib, uning xatti-harakatlarini bevosita kuzatib keldi. Har holda jahon chempionati yo‘llanmasi uchun kurashda murakkab vaziyatga tushib qolgan terma jamoamiz uchun yangi va istiqbolli nomzod paydo bo‘lgani rost bo‘lsin.

17.04.2021_bate_energetikbgy_15

Belarus oliy ligasining beshinchi turida Shahboz sobiq jamoasi  “Energetik-BGU”ga qarshi to‘p surdi va borisovliklarning 2:1 hisobidagi g‘alabasiga katta hissa qo‘shdi.  Mezbonlarning har ikki goliga Stanislav Dragun mualliflik qildi. G‘alaba goliga esa, Shahboz Umarov assistentlik qildi. Hamyurtimiz jarima zarbasidan jamoadoshiga to‘pni aniq etkazib berdi va Dragun boshi bilan to‘pni darvozaga joyladi.

Uchrashuv tahlili bilan shug‘ullangan mutaxassislar legionerimiz o‘yinini yuqori baholadi.

- Ta’kidlash joizki, Umarov o‘z fintlari va to‘p bilan muomala qilish qobiliyati bilan muxlislarga ajoyib tomosha ko‘rsatdi. Uning ikki, uch, kerak bo‘lsa, to‘rt nafar raqibni turli usullarda aldab o‘tishi uchrashuvni kuzatgan ishqibozlarga juda manzur bo‘ldi. Himoyaga kuchli bosim o‘tkazdi. Raqib futbolchilar texnikasi mukammal shakllangan Shahbozni faqat futbolkasidan tortish orqali to‘xtata oldi xolos, - deb yozadi kp.by sayti tahlilchisi Sergey Shyogolov.

17.04.2021_bate_energetikbgy_20

Albatta, Shahboz bu harakatlari bilan muxlislar olqishiga sazovor bo‘ldi.

Bir vaziyatda Shahboz Umarov jamoadosh Stanislav Dragunning xet-trik qilishiga ko‘maklashmoqchi bo‘ldi. O‘zi qulay vaziyatda turganiga qaramay, to‘pni unga oshirdi. Biroq, Dragun bundan foydalana olmadi. Shuningdek, legionerimiz o‘tgan yilgi chempionat to‘purari Maksim Skavishni ham qulay pozitsiyaga chiqardi. Biroq, hujumchi mo‘ljaldan adashdi.

Sobiq jamoasiga qarshi faol o‘ynab, ko‘p energiya sarf qilgan Shahboz Umarov uchrashuvning 79-daqiqasida o‘z o‘rnini jamoadoshi Pavel Nixaychikka bo‘shatib berdi.

Umuman olganda, Shahboz Umarov joriy mavsumda jamoaning haqiqiy etakchisiga, muxlislarning yoqimtoyiga aylanib bormoqda. Legionerimiz dastlabki bahslarda uchta chiroyli gol urdi va turlardan birida eng yaxshi futbolchi, deb topildi.  Bu gal jamoadoshini golli pas bilan ta’minlagan Shahboz gol+pas tizimi bo‘yicha to‘rt ball jamg‘ardi va bu borada musobaqaning eng foydali o‘yinchilaridan hisoblanadi.  

17.04.2021_bate_energetikbgy_39

Belarus chempionatida amaldagi chempion – “Shaxtyor” yakka peshqadam bo‘lib turibdi. Yana bir hamyurtimiz – Shahzod Ubaydullaev to‘p tepayotgan Soligorsk jamoasi beshta uchrashuvning barchasida zafar quchgan.

O‘n bir ochko to‘plagan BATE esa, “Dinamo-Brest” bilan birga ikkinchi o‘rinda bormoqda.

Oliy liga jamoalari navbatdagi tur uchrashuvilarini 23 aprel sanasida o‘tkazadi. Shu kuni BATE safarda “Isloch” bilan raqobatlashsa, “Shaxtyor” Soligorskda mag‘lubiyatsiz o‘ynayotgan “Rux” jamoasini qabul qiladi.

Vadim Abramov to‘purar legionerimiz o‘yinini ko‘rgani Evropaga bordi! (foto)

Legionerimiz bugungi tarixiy uchrashuvda gol urishi kerak!

Abramov legionerimiz o‘yiniga otlangan edi, ammo...

Murabbiy Evropaga ketmoqchi bo‘layotgan Umarovning xarakterini “sindirmoqchi”!

Diqqat: Umarovdan zo‘ri yo‘q!

"Ko‘p gol ursam, Abramov termaga chaqiradi!"

To‘purar legionerni terma jamoaga chaqirsak bo‘lmaydimi?

Fikrlar

Fikr qoldirish uchun avtorizatsiyadan o'ting!