Ёш футболчи бир зарба билан тарихга кирди
Швеция терма жамоаси ҳужумчиси Александер Исак Словакияга қарши ўтказилган ўртоқлик учрашувида тарихдан жой олди.
Швецияликларнинг 6:0 ҳисобидаги ғалабаси билан якунланган учрашувда рақиб дарвозасини ишғол қилган Александер Исак терма жамоада гол урган энг ёш футболчи бўлди. Ўйин ўтказилган вақтда ҳужумчи 17 ёшу 114 кунлик эди.
- Мен шахсий рекордларга эътибор қаратмасам-да, тарихга кирганим ёқимли бўлди, - деди Александер Исак. - Тўп жарима майдончасининг марказига келиб тушди ва мен уни дарвоза тўрига жойладим.
Швеция чемпионатида ишончли ўйин кўрсатаётган бу ҳужумчига Европанинг гранд клублари қизиқиш билдирмоқда.
Фикрлар