"Yozda "Siti"dan ketaman"

Yozda "Manchester Siti"da jiddiy tarkibiy o‘zgarishlar bo‘lishi kutilmoqda. Bu jarayonning bir qismi yarim himoyachi Bernardu Silvaning jamoadan ketishi bo‘lishi mumkin.

"Football Insider" nashrining xabar berishicha, 30 yoshli futbolchi "Manchester Siti"ni tark etib, Premer-ligadan tashqaridagi chaqiruvni qabul qilish istagini bildirgan. Portugaliyalik futbolchi "shaharliklar" safidagi davrini yakunlangan deb hisoblamoqda.

Ta’kidlanishicha, Bernardu Silva yangi jamoa topishda qiyinchilikka duch kelmaydi. Yarim himoyachiga Ispaniya, Portugaliya va Saudiya Arabistoni klublari qiziqish bildirmoqda.

Nufuzli Transfermarkt portali Bernardu Silvaning qiymatini 45 million evro deb baholamoqda.